Evit ar wech kentañ e framm mizvezh ar brezhoneg, Yezhoù ha Sevenadur ha tiez ar vro all a ginnig deoc'h un nozvezh dreistordinal evit ober c'hoarioù video e brezhoneg war an internet, gant skipailhoù eus Breizh a-bezh pe pelloc'h c'hoas zoken !
C'hoariet e vo ur c'hwiz Geoguessr hag ur Skribble.io.

Moaien vo c'hoari o-unan eus o zi, met gwelloc'h c'hoas e vefe en em vodañ dirak ur skramm.

Pep ti ar vro, pep kevredigezh tomm ouzh ar yezh, pep strollad mignoned a vo degemeret a galon vat evit kaout plijadur asambles, ha lakaat ar brezhoneg war-wel!

An abadenn a vo d'ar 19vet a viz Meurzh adalek 8e noz. Ar Framadate-se n'eo ket evit dibab un devezh, met nemet evit lakaat anv ho skipailh.